祥仔撐林峯：畀多啲機會後生仔
劇集《法證先鋒Ⅲ》收視理想，演員黎耀祥、陳茵媺、徐子珊及監製梅小青等昨日在將軍澳舉行祝捷會，開香檳慶祝上周平均錄得33點收視，約有230萬觀眾收看，最高收視點更達36點。成為收視保證的祥仔謙稱應歸功「王牌監製」梅小青身上。
劇集雖然大收，令祥仔再奪視帝的呼聲大增，但他卻睇好鄭嘉穎和林峯。祥仔說：「講戲就鄭嘉穎，如果我投票就會揀林峯，魔鬼角色好啱佢。林峯近年嘅成績係可以再上，應該畀多啲機會後生仔。我係佢fans，全力支持林峯。」對於有指林保怡和王喜被踢出視帝候選名單，祥仔說：「提名多又畀人話豬肉獎，可能好多選擇，名額有限。」
另外，同場的陳茵媺打扮密實，未免被徐子珊比下，她解釋要拍劇未有時間準備。