無綫否認刻薄 累陳美詩炒車
藝員陳美詩和朱慧敏早前到日本拍攝自駕遊旅遊特輯時不幸炒車，無綫與外判製作公司開會調查後，外事部副總監曾醒明昨日與製作部助理總監（節目發展分部）彭濟材在電視城舉行記者會，表示陳美詩和朱慧敏現時已無大礙，心情亦大致平復，無綫會參考今次事件作出內部檢討。
曾醒明澄清外間有指無綫刻薄，他說：「當時外判公司嘅導演睇到日本醫生嘅報告話佢哋冇受傷，所以徵詢佢哋意見可唔可以繼續拍，朱慧敏當時亦話可以繼續。當時公司亦有諗過搵沈卓盈同黃智雯去接棒，公司最後亦尊重佢哋意願安排佢哋返港。」
他又否認民宿簡陋兼要男女同房：「嗰間民宿喺當地好有名，一居同住係佢哋嘅特色，要港幣千幾蚊一晚，之前入住嘅酒店亦唔係咁差要港幣二千幾蚊一晚。」
沈卓盈鬆口氣
對於陳美詩男友孫耀威炮轟無綫要女友駕車，曾醒明則說：「因為拍攝緊先會要陳美詩揸車，中間亦有休息時間，期間資料搜集員亦有揸過幾個鐘。」幾乎前往接力的沈卓盈接受訪問說：「睇到張炒車相都嚇一跳，好彩最後都唔使去。」
此外，廣管局昨收兩宗投訴指無綫劇《結．分＠謊情式》內容以取巧方法，取得酒店升級服務及鼓勵青少年逃避責任，教壞細路。