男粉絲向林宥嘉示愛 G.E.M.：唔關我事
台灣歌手林宥嘉（Yoga）被一名15歲男粉絲公開示愛，前日該粉絲在Yoga微博留言：「好喜歡你，或者說已經成了愛……我是gay，我真的真的對你無法自拔……」Yoga留言回覆：「勇敢的孩子，你會擁有美好的人生的！祝福你！」
對於有男粉絲向Yoga示愛，身為女友的G.E.M.接受記者電話訪問說：「唔係好關我事，不過佢好勇敢，講出心裏感想。（有人同你爭Yoga？）係你就係你，唔係你就唔係你。（Yoga接唔接受同性戀？）唔知，冇傾過呢個問題，自己係基督徒，上帝創造一男一女，我唔抗拒同性戀，但自己一定唔會咁。」