陳靜童顏巨乳 彈走星野亞希

擁有34E豐滿上圍的陳靜（DaDa），憑童顏巨乳成功獲今年日本TGA（Tokyo Girls Award）睇中，成為唯一香港區代表，並極大機會取替大肚的星野亞希，和渡邊知夏子、今宿麻美、藤井莉娜、南明奈等同場行騷。
陳靜憑童顏巨乳，有望取替星野亞希成今年焦點。
陳靜憑童顏巨乳，有望取替星野亞希成今年焦點。

日本Tokyo Girls Award 2011 A/W（TGA）將於本月12日舉行，作為日本時裝界盛事，每次活動均廣邀當紅模特兒及嘉賓同場走騷。一直是活動寵兒，擁有童顏巨乳的「超齡水着女」星野亞希，早前突然宣布懷有身孕，雖然星野一早答允出席TGA，但待活動舉行時身材明顯有變，故至今仍未有最後定案，令到大會不得不向外尋求增援，迅即睇中香港o靚模陳靜。

有機會進軍日本巿場，陳靜直認要惡補日文。
  • 有機會進軍日本巿場，陳靜直認要惡補日文。

與南明奈同台

上圍34E的陳靜同樣擁有童顏巨乳，樣靚身材正，成為今屆唯一被邀的香港區嘉賓模特兒，將會和渡邊知夏子、今宿麻美、藤井莉娜、加藤夏希、南明奈、富永愛、夏川純、桐谷美玲、小倉優子等知名女優同台演出，對此DaDa直言要惡補日文和大家溝通，她說：「有機會見到咁多靚女真係好開心，最想見到星野亞希，一向都覺得佢好正，但唔知佢依家大咗肚仲會唔會出席囉，（驚唔驚同其他女優比較？）咁我對自己嘅身材都好有信心嘅。」

有望赴日發展

近年日本時裝活動早已是o靚模必爭之地，能獲邀擔任演出嘉賓無疑成為走紅指標，Angelababy、周秀娜、諸葛紫岐等都曾先後到日本為不同機構行騷，陳靜坦言今次行騷之餘，亦獲多間經理人公司約見，她說：「我都希望可以去日本發展，好鍾意佢哋嘅文化，亦都想有多啲嘗試。」

文：追蹤組