椋名凜繼續生五個先夠

日模椋名凜（Rin）早前與老公和囝囝一家三口從日本來港一星期，此行主要是探朋友和買BB衫。向來身材驕人的Rin產後上圍更見Big爆，但她暫時不會回港繼續模特兒事業，她說：「依家喺日本有經理人公司，有做Modeling嘅工作，我諗住等囝囝一歲左右先返香港工作，到時會帶埋BB嚟。我喺日本係自己湊BB，所以都好辛苦，BB係餵人奶同奶粉，晚晚都要起身餵佢，都唔夠瞓，雖然辛苦但又好開心。」Rin透露老公有入產房陪她，她又說：「老公鍾意女，我想生多四個女。」

囝囝做model

Rin表示仔仔名叫「Kai」，意思是Lucky，現已五個月大，還懂得說日文早晨，她說：「囝囝喺日本有做BB模特兒，我想佢第時做電影明星。」

椋名凜坦言晚晚都要起身餵囝囝飲奶，頗為辛苦。	椋名凜與老公和囝囝一家三口相當幸福，羨煞旁人。	黃家強的日籍太太Makiko將於明年初誕下第二胎。（資料圖片）

另將再做爸爸的黃家強宣布其日籍太太Makiko有喜，已懷有五、六個月身孕，預產期是明年三月，已經育有一子的家強透露太太肚裏都是仔，他笑說：「仔都開心，生兩個好啲有個伴，（再追個女？）應該唔追。」因為上胎比預產期遲了十日，最後要開刀生BB，但如果可以太太都想順產，他會照樣陪太太入產房。

近年好多內地孕婦湧來港產子，逼爆香港產房，家強表示最初也擔心，所以好早已經要預訂好醫院，他說：「係好有影響，政府真係好冇用，唔係好難控制啫。」

場地：Harlan's

文：名人組