張可頤忘記情傷未ready拍拖
台慶夜女星個個鬥露肉鬥行頭，但「法醫」張可頤在台慶夜為變身魔術師與黎耀祥表演，當晚只以《法證先鋒III》造型出現，認真慳水慳力。另被指受情傷的她表示自己未受分手影響心情。
黎耀祥昨日雖未有空到來為台慶綵排，但可頤先與一班拍檔馬賽、沈卓盈等在電視城練習，可頤稱台慶當晚會與祥仔表演魔術，將人傳送去不同空間，排練多日雖有官方刊物跟場拍攝，但因擔心穿崩問題，故走位拍攝都很嚴謹，她說：「唔可以亂影因為怕穿崩！（考你身手敏捷？）呢方面我都有天分！（台慶晚裝準備好未？）我會着番《法III》套衫，（慳唔少？）唔好咁講！」
再見亦是朋友
另可頤最近與拍拖多年金融界男友曾安邦分手，昨日見她「熊貓眼」盡現，拍照時要迴避甚至要載上太陽眼鏡，但她解釋「熊貓眼」是因拍《天梯》所致。問可有受情傷影響？可頤說：「我都冇療傷期嘅，現代拍拖、分手好平常，我哋係藝人先放大件事，（復合？）唔識答喎，我哋仲係好朋友關係，只係時間上難配合，不過我冇難過，因為大家都開心過，平常心面對啦，我enjoy拍拖，但心態未ready，（單身後多追求者？）都OK架！（老外男友係追求者之一？）唔好亂講，佢係我女友嘅男友，當日佢join我哋飲茶結果搞成咁，好尷尬，我覺得自己好似拍緊現實版《女人最痛》！」
文：影視組