杏兒遭Bosco無禮對待

正忙為新劇《怒火街頭Ⅱ》開工的胡杏兒，前晚與苟芸慧於深水埗拍攝一場爭仔嗌交戲。抱恙上陣的杏兒未埋位時不停咳嗽，她透露已病了四、五天，雖已求診，但仍未康復。踏入十二時之際，一班粉絲帶同玫瑰花及蛋糕到場，令杏兒驚喜非常。

粉絲送上有偶像cute版公仔的蛋糕，令杏兒非常感動。	原本一臉病容的杏兒，得知大班粉絲到場賀壽，即時展露歡顏。	鄭嘉穎（左）日前已送生日蛋糕給杏兒，反而黃宗澤至今未有表示。（資料圖片）

30歲後不想慶祝

雖然要在工作中度生日，但杏兒笑言自三十歲後已不想慶祝，加上並非首次工作度生日，故不會太介懷。她又指拍檔鄭嘉穎日前已送了今年首個生日蛋糕，問到Bosco有何表示？杏兒即大發嬌嗔：「未收到喎！不過佢都會送嘅，睇吓今年送咩啦！（你有冇暗示佢知？）呢啲講心意，唔一定係物質，寫張生日卡都得，不過佢就好似唔係好興。」

苟芸慧獲益良多

杏兒主演的新劇《萬凰之王》近日熱播兼口碑不俗，加上被吹捧為今屆視后大熱，她坦言感壓力。憑《怒火街頭》及《萬》劇角逐視后的她，被問會否擔心分薄票數？她謂：「睇吓到時點啦！（想邊套攞獎？）其實兩套劇我都鍾意！《萬》劇情緒起伏大辛苦啲，《怒》劇就最後嗰場，不過冇所謂啦！」同場的苟芸慧有信心杏兒奪視后，更指對方不時傳授演戲心得，令她獲益良多。

文：影視組