黎明讚李思捷A貨變藝術
黎明（Leon）十二月紅館開演唱會，屆時將有兩個Leon現身舞台！原來Leon邀請「扮嘢天王」李思捷來化身另一個他。Leon即場聽完思捷演繹其歌曲，大讚對方扮得入型入格，將模仿變成藝術。
李思捷模仿能力高超，過去扮演四大王天令人印象深刻，當中扮Leon唱《我的親愛》，其唱腔和台風完全入型入格。昨日兩位真假Leon終於碰頭，思捷被安排到唱片監製雷頌德的錄音室進行試音，思捷即場選唱Leon歌曲《貪新愛舊》一騷本錢。身為主角的Leon專程從內地趕返港，當他聽到思捷真身唱「Leon腔」時，Leon即直豎拇指讚好。他對思捷的模仿能力大表滿意：「冇可能唔pass啦！佢嘅模仿天分，係可以變成藝術！」
「茶餐廳叫到魚柳包」
Leon表示之前為個唱開會，認為每個人有黑白兩面，便想找多一個「Leon」來演繹，最後找了思捷任嘉賓。思捷很感謝對方欣賞：「通常扮咗人之後會惹好多仇家，你係好有胸襟嘅天王巨星，我覺得好受尊重。能夠喺Leon演唱會唱Leon嘅歌、講Leon講過嘅金句，就等如去茶餐廳叫到魚柳包，真係Oh My God！」
思捷自爆是Leon粉絲，由當年電視劇《人在邊緣》以至電影及唱片都有捧場，更自爆用Leon經典歌《對不起我愛你》來追女仔。原來思捷十多年前未入行時，曾在卡拉OK巧遇Leon。思捷笑言：「佢當時同吳啟華哥哥喺度唱歌，搞到輪極都未到我唱囉。」在旁的Leon笑言：「一定唔係我打尖啩！」思捷指當時輪到自己唱《Hello》，慘被台下的Leon扮他唱不到高音。Leon即笑謂：「我冇咁衰啩！」
文：音樂組