葉翠翠屬港姐冠軍級人馬，樣靚身材正，入行多年除緋聞男友李逸朗外，尚與不少男士傳過緋聞。
06年翠翠與李逸朗傳緋聞，有指她因緋聞影響事業，直至07年她回應李逸朗網誌箍煲時才坦言：「我冇睇過，可能係寫畀第二個睇呢！」漏口風指對方已有新女友。
翠翠入行前已認識港男高鈞賢，08年翠翠被揭與內地富商外遊，緋聞男友高鈞賢亦留有餘地：「翠翠係個好積極、好進取嘅人，至於感情事，我唔可以干涉咁多。」
今年翠翠拍劇集《4 In Love》與韋家雄傳緋聞，大讚雄仔專業，但她說：「我揀男友條件好高，否則都唔會幾年冇拍拖，蘇民峰話我姻緣未到，所以唔使諗咁多。」
翠翠與玄學家李丞責去年因合作《中華福地》傳緋聞，事業有成的李丞責，與翠翠擇偶要求接近，但隨着月前李丞責與另一港姐冠軍劉倩婷戀情曝光，翠翠緋聞女友身份即時玩完。