港姐股神錯在冇講真話
講到港姐股神，唉！嗰陣有雜誌問我買咩股票投資，我就答其中一隻係中國人壽，但出嚟就變咗話我只係買一隻中國人壽就賺到咁多錢，雜誌將我嘅說話扭曲咗。當然我自己都有唔啱，因為唔講得同黃有龍嘅關係，所以至有咁多誤會。
當時我哋已經有結婚打算，所以就夾錢買樓，我嘅資金主要嚟自買香港同內地股賺番嚟嘅錢，但有人攻擊話我對股票唔認識……事實上，當時有好多錢都係靠男友畀貼士賺番嚟嘅，但又唔講得出嚟，我都覺得好徬徨……每個人都會做錯，依家我好積極去學做人，亦不斷磨練演技，希望觀眾睇到我呢幾年嘅努力同改變。