惠英紅等跌市買磚頭

惠英紅前晚出席香港著名設計師Dorian Ho時裝騷，表示日內會為電影開工，但戲中不用打：「仲打咩？幾十歲唔好喇！希望等人知道我都識做戲。」她透露近年長時間在內地工作，問到可有趁機認識富二代時，她沒好氣說：「冇呀！（富商呢？）咁易咩！」反而她眼見香港樓市下跌想入市，但朋友卻勸等時機，她更自嘲：「買股票就買邊隻跌邊隻，始終都係買磚頭穩陣啲。」
惠英紅希望以演技取悅觀眾。
惠英紅希望以演技取悅觀眾。

另外，同場還有剛由台灣回來的童愛玲、混血女模Rosemary與貝安琪等。童愛玲表示早前趁空檔拍了一部短片，即惹來八歲的囝囝投訴：「有一日拍完通宵戲返屋企，個仔問我點解唔返嚟瞓？佢好黐身仲要同我一齊瞓，為咗等佢獨立啲，每晚只係陪佢十分鐘。」不過，她強調凡事以兒子為先，因友人說小朋友十歲後就有自己天空，故十分珍惜與兒子相處的時刻。

童愛玲笑言八歲囝囝十分黐身。
  • 童愛玲笑言八歲囝囝十分黐身。
Rosemary特來支持Dorian。
  • Rosemary特來支持Dorian。