黃穎君環保隨身帶袋
2010年工展小姐冠軍黃穎君（Burmie），對環保甚有心得，日常生活都念念不忘要環保。
Burmie提起環保即十分雀躍，她說：「我平日都有響應回收電池、打印機墨水匣，因為呢類電子類廢棄物，如果唔妥善處理，就咁拎去堆填區就算，會釋出有毒物質，到時就手尾長。我好重視垃圾分類，我覺得每個使用者都應該盡番自己一份責任做環保，唔應該旨意晒其他人，所以就算平日去街，我都會放定個環保袋喺手袋，即使突然要去超市買嘢，都唔使用超市膠袋，慳到膠袋錢都唔係最重要，最重要係喺first step就拒絕用膠袋，如果人人都有能夠少用一個膠袋，咁先有可能做到環保。」
