雛鳳宣布加開5場饗戲迷
由龍劍笙（阿刨）、梅雪詩（阿嗲）的雛鳳鳴劇團下月公演的20場折子戲《龍情詩意半世紀》，門票在不足一小時火速沽清，阿刨對戲迷熱烈反應大為感動，前晚跟主辦商新娛國際洽談，昨晨終拍板決定加開5場，新娛負責人丘亞葵說：「為答謝戲迷支持，決定加開12月26至30日，內部優先預訂會先照顧咗之前訂唔到飛嘅觀眾。」
之前有戲迷買不到票，質詢主辦商扣起大部分門票作內部認購，但丘亞葵已澄清沒有扣飛，有50%門票公開發售。昨日本報再接獲「不平鳴」戲迷投訴，聲稱在沙田、文化中心及演藝學院三個售票處張貼的座位表，顯示有六、七成門票被扣起，丘亞葵表示：「座位表更改多次，每場座位數目不同，有啲場地拆咗三、四行櫈放音響，又有黑布遮咗幾行放器材、調音器等，呢啲位置喺座位表係用黑筆髹咗，如果入埋我數，我都唔知點解釋，總之一定有50%公開發售。」