Eason亂噏玩謝豪雨戀
周柏豪與吳雨霏（Kary）的緋聞疑幻似真，昨日兩人一同受訪，柏豪表現大方，相反Kary尷尷尬尬，就連「吹神」陳奕迅（Eason）都開口取笑，嚇得Kary耍手兼擰頭，抵死的Eason更亂噏送祝福：「你哋Enjoy啦！」
Eason、楊千嬅、周柏豪、Kary、蔡卓妍、陳偉霆、薛凱琪（Fiona）及方大同等多對緋聞男女，昨日出席「2011年度叱咤樂壇流行榜頒獎典禮」記者會。雖然大會刻意將眾人拆散分開企，不過柏豪、Kary及薛凱琪、方大同兩對緋聞男女均大方合照，柏豪更與Kary齊齊受訪，但Kary全程表現尷尬由男方發言，兩人再度澄清沒有拍拖，以前及將來都不會是情侶。
薛凱琪被笑頸長
有「吹神」之稱的Eason見柏豪及Kary「情侶檔」受訪即大叫：「你兩個一齊咩？」Kary即耍手擰頭否認，搞笑的Eason繼續說：「兩個唔同公司可以一齊受訪，簡直係樂壇突破！」然後又大笑望住兩人說：「睇睇吓你哋又幾OK喎，你哋Enjoy啦！」場面極度尷尬，Eason即打圓場說：「其實我同柏豪最襯。」
對於孫耀威（Eric）為女友陳美詩日本車禍炮轟無綫，曾拍無綫旅遊特輯的Eason說：「畀我都嬲啦，不過唔方便講太多。（影響四大版稅風波？）唔關事，Eric以好朋友身份發脾氣，大家唔好諗太多。」另外，慘遭好姊妹鄭融取笑緋聞及頸長的Fiona坦言不介意被玩，強調大同是她台上合拍夥伴。
文：音樂組