阿倫寸Edison：食番清淡啲

阿倫前晚出席CASH的金帆獎活動，提到Edison新一批情慾照流出，令他跟Cammi的關係曝光兼火速告吹，阿倫笑笑口說：「好嘢呀吓！真係食家！（覺唔覺得佢要睇醫生？）哈哈哈，叫佢淡口啲啦，食番清淡啲，你都唔知佢做過啲咩，可能係宣傳手法啦，大多都係宣傳啫！」

農夫撐舊老闆

雖然阿倫全程不停陰陰笑，但身為人父的他都寄語Cammi專注學業、好好讀書，他說：「下次小心啲，用啲影唔到相嘅電話，女仔人家都係畀心機讀書先！」問到阿倫是否同意囝囝曉風加入樂壇？他說：「唔得，要讀晒書先，到21歲再畀佢自己決定！」

農夫建議陳冠希去睇相。

周汶錡認為公眾人物要特別小心。

而農夫在另一活動上出言力撐舊老闆Edison，陸永說：「視乎你係咪好好保管手機，定係特別放畀人囉，拍拖係人之常情，（好彩離開咗佢間公司？）好彩我自己冇同人影過啲相，好彩我冇唔見手機，（覺得佢需要睇心理醫生？）唔使睇醫生，睇相士仲好，唔明點解次次都遺失電子產品，真係運滯，被人整蠱！」農夫認為Edison時裝生意大把錢賺，不會擔心經理人公司斷絕向他投資。

周汶錡同情Cammi

另外，周汶錡認為感情是兩個人之間的事，但身為公眾人物要特別小心，她表示男友冇要求拍親密照，但她同情Cammi說：「女仔要努力讀書，放過佢啦，佢細個唔知點處理！」

採訪：音樂組