楊汀叮應節帶師妹搞鬼
愛搗蛋的模特兒楊汀叮趁萬聖節偕旗下的Style模特兒公司五位師妹，包括潘瀟瀟（Panny）、李嘉敏（Fiona）、劉沛蘅（Hillary），及來自青島的孫婷及南京的吳婷婷，一同到迪士尼樂園感受萬聖節氣氛。
一行六女先到樂園內的「鬼酒店」參觀，最大膽的汀叮不時嚇師妹，弄得她們依嘩鬼叫！汀叮表示每一年的萬聖節都會悉心裝扮去慶祝：「 我鍾意扮啲唔同嘅鬼怪或者精靈，咁樣先至有氣氛，但其實我本身都好驚鬼。」
問到有否曾遇過靈異事件？她就滔滔不絕地說：「我細個曾經喺屋企見過精靈，佢哋依附喺個冷氣機度，形態好似一個迷你公仔咁；大個啲去台灣做嘢，間酒店房半夜自動開燈開電視機，我個心就喺度講：我只係住一晚，唔好搞我啦，我冇做過壞事，結果之後就冇嘢喇！」