徐子淇一家五口私相簿任睇

昨日假君悅酒店舉行的派對旨在邀請200位子淇和丈夫李家誠的朋友，以正式一睹俊熹的可愛模樣。來賓們大部分都攜同子女前來一窺難得的另類馬戲團，包括名模歐陽妙芝、周國豐夫婦、郭永亮夫婦、明肇豐夫婦等，而子淇好友陳君宜也和丈夫鄭躬明到來。雖然四叔未有現身是次以馬戲團為主題的派對，但據知場內有播放四叔和子淇一家五口弄孫為樂的未曾公開照片，大晒溫馨！

昨午2時半，身穿黑色Deep V緊身衫配紫色羽毛裙的子淇手挽老公李家誠恩愛到場，大騷四吋事業線的子淇，加上身上閃耀鑽飾，猶如馬戲團女王般性感閃爆登場！子淇自言從小情迷馬戲團，夢想當空中飛人：「今次係為囝囝搞，唔想搞太女仔嘅party。囝囝會着西裝，如果唔扭計就再着大笨象衫。（用囝囝相片製作不同造型？）佢會扮空中飛人、大隻佬、同埋扮獅子跳火圈！」她笑言兩女的造型跟自己般性感，女兒們見她在做防走光措施時更大感好奇。

小俊熹變身可愛猴子踩單車。

放大圖片

建議禮金折現捐出

子淇早年為兩女李晞彤及李晞兒均大事鋪張搞百日宴，問子淇未有為兒子搞百日宴是否較低調？子淇說：「次次都差唔多，想大家玩得開心啲，畀朋友見吓BB。（花費幾多？）唔係好多，食物都係好簡單例如爆穀、mini burger等。」子淇更說已着來賓不用送禮，建議折現捐到新成立的基金「Glamour to Give Charity Limited」。「睇報道有好多香港小朋友食唔飽，每餐得16蚊，要餓住個肚返學，我睇到好想幫佢哋。」

明肇豐一家與子淇夫婦在場內合照，氣氛熱鬧。

「空中飛人」小俊熹表情趣怪。

暫停造人專心湊仔

有子萬事足的李家誠，則稱暫時要讓太太休息及專心照顧子女，暫不造人。子淇說：「（同三仔女）玩都好辛苦，一邊要揹住、一邊要騎膊馬，一邊又被拉住隻腳，玩都好吃力。三個小朋友都似老公，真係唔公平，仲以為個仔會似我，老公啲genes（基因）真係好犀利。」至於早前有疑似子淇的微博出現，子淇冇正面否認，只說間中有玩。

李家誠表示與父親均有送俊熹玩具，並對小俊熹寄予厚望：「希望囝囝將來係一個成功、對社會有貢獻同埋做個好心地嘅人。」他續說兄長李家傑的三胞胎兒子沒到場。另外，恒基公關表示四叔李兆基未有出席：「因為四叔喺九月已經同佢哋食過飯，所以冇諗住嚟，畀啲年輕人玩吓。」

文：名人組