李宥彤自製鏈墜唔怕撞
「翻版大S」李宥彤（Liz）自稱慳妹一名，平時最鍾意諗計將屋企的廢物循環再用，自製飾物。Liz會將枯萎的花朵用報紙壓一至兩日，乾後加入環保樹脂和凝固劑倒模製成頸鏈，她說：「我鍾意用一啲唔要嘅汽水蓋或者花自製鏈墜，唔使一定要出街買，自己整會特別啲。」她又會剪短一些過時的長牛仔褲，變成懷舊牛仔短褲，亦會將空的糖果鐵罐變髮夾，認真環保。
Liz的屋企一向注重環保，她指媽媽都會分類廢物，又自製肥料為盆栽施肥。Liz開工經常有飯盒提供，她說：「女仔通常食唔晒一個飯盒，我會喺片場食一半，用飯盒裝剩低嘅飯拎返屋企，唔好浪費﹗」
