劉倩婷搵李丞責施法擺陣
堪輿學家李丞責與港姐劉倩婷（Sandy）自公開戀事後，二人日前先後受訪表現冧爆，Sandy更直言考慮找男友為她起陣，祈求愛情及事業雙雙起飛！
李丞責被本報拍得生日當天與女友劉倩婷（Sandy）溫馨慶祝後，二人亦不再避嫌在人前坦承情侶關係。Sandy前晚出席一項車展活動被追問戀情時全程笑不攏嘴，對於男友生日當天公開示愛，Sandy表示開心，但否認兩人在兩個多月前開始交往：「其實拍拖係最近嘅事，每個人都有過去，我唔計較佢結過婚，（對佢感覺？）佢對我好好，好細心，我欣賞佢有才華，（有冇視佢為結婚對象？）目前言之尚早，大家仲需要時間去了解。（佢係咪行外母政策感動你？）佢係見過我媽咪幾次，佢本身亦好孝順。」
性感朱璇輸風頭
男友既是出名的堪輿學家，問Sandy可知對方是否算出二人姻緣早定才展開追求？Sandy說：「我冇問過，亦冇搵過佢睇掌看相，（搵男友擺陣谷事業？）原本冇諗，你哋提醒試吓都好，希望事業與愛情可以同樣得心應手。」同場的朱璇雖然性感到場，但被有愛情滋潤的倩婷搶盡風頭。
祈求進一步發展
而李丞責前晚接受now訪問時，面紅紅公開女友地位：「Sandy同我開始拍緊拖，係我嘅女朋友！」他笑言被Sandy獨特氣質吸引：「娛樂圈嘅節目我做過好多，但未見過一個咁清純、簡單、樂觀又積極嘅女仔。」本身是堪輿學家的李丞責被問到可會算算與女友的將來？他說：「以前我認為交朋友唔應該算咁多，拎個心出嚟就得，但依家人大咗，我反而會去算，因為我識得用呢個方法令自己更好，朋友之間溝通更順利。」曾離婚的李丞責強調與前妻再見亦是朋友，並稱戀愛經驗少，望大家給予空間，讓他可與女友進一步發展。
文：影視組