熊黛林蜜認攻城：好彩冇影到
名模熊黛林（Lynn）與郭富城的戀情經已漸地面化，繼去年Lynn被影到攻「城」成功與「男友」慶祝生日，今年更秘「蜜」攻城，還說好彩冇被影到！她還訂製城城最愛的車形生日蛋糕慶祝，那份心意令城城甜在心頭，更確認了城嫂的身份！
Lynn前晚身穿與梁漢文同款的毛毛衫、腳踏七吋高高跟鞋出席品牌派對，期間她為向記者展示其高跟鞋時差點失重心向前仆，幸好有驚無險，她說：「我行得好慢，差點跌親！」被問到與梁漢文穿情侶裝？她表示件衫靚唔怕撞：「每個人演繹都唔同，有信心自然着得靚。」
及後，記者直問她如何與城城慶祝生日？她表現風騷，坦言沒有過二人世界，愛熱鬧，她道：「一大班朋友同工作人員慶祝，有啲朋友好好，特登趕返香港同佢慶祝。（有冇打邊爐？）近排唔食得！其實當晚有好多朋友。（點解唔過二人世界？）多人熱鬧啲，咁過生日先好玩，多朋友慶祝先幸福！」
送車形蛋糕好冧
至於生日禮物？Lynn坦言別具心思：「今年特別有幾樣，最特別係喺香港訂咗一個車形蛋糕。（邊款車？）你哋冇見過，香港唔揸得，放喺屋企。嗰日一打開蛋糕，全部人『嘩』一聲，唔捨得食淨食跑道，我哋食完跑道就叫人將蛋糕放入雪櫃。」其後記者笑她有否送上香吻，她嬌嗲地說：「o依……我唔講呢啲，（往年攻城成功？）都唔係，係你哋影到，誇大咗件事。（今年冇被影到？）今年好彩啫！」
文：名人組