阿樂反敗為勝進身冠軍賽

余文樂前晚成功帶領球隊「橫洲工業」勝出《康文盃》四強，進身冠軍賽，一直處於下風的阿樂全晚遭敵方「盯實」，令球隊落後十多分，阿樂見隊友士氣低落即叫停，並化身教練與隊友商討攻勢，最後成功扭轉局勢反敗為勝。

沉着應戰的阿樂坦言對手非常強勁：「今場真係好難打，由頭輸到尾，對手好強，我哋稍為唔專心就會輸。好開心可以同『橫洲工業』B隊爭冠軍，但當日我可能喺內地拍戲打唔到。（搵陳建州助陣？）唔會，佢喺美國。」周柏豪則大讚球隊有團隊精神。