朱茵男友打氣日日做視后

朱茵在電台單元劇《沒有牆的世界》之《第三選擇》中，飾演因車禍而下半身癱瘓的生命鬥士，因演技出色而獲提名「第39屆國際艾美獎」的「最佳女演員」獎。雖然《第》片僅長20多分鐘，但朱茵所花的時間、心血，比一齣逾2個小時的電影更多：「我花咗好多時間同傷殘人士傾偈，親身了解佢哋生活上所遇上種種問題，同心理質素，我真係有去學坐輪椅，仲磨到手都損晒。」

男友開騷 無法陪行

朱茵11月中就要到紐約出席頒獎禮，屆時將與奧斯卡級強敵瑞典女星Naoomi Rapace及英國女星茱莉禾達絲爭獎。問她有何準備？她沒氣說：「真係乜都冇，去紐約前我啱啱先做完《再見女郎》舞台劇，之後好快就要飛，到時着咩衫、住咩酒店，要做乜，我全部都未知，所以好緊張。」

阿Paul因要開騷，無法陪女友出席頒獎禮。

朱茵認為藝術是條漫長路，應放眼遠處。

問朱茵可會攜男友Paul同行當定心丸？她坦言：「我都好想，佢英語好得，我好想佢幫我做翻譯，但佢嗰幾日要去廣州出席音樂會，陪唔到我去，好可惜。」朱茵不諱言恨攞獎，但對手實在太勁，加上獎項之事太多變數，但就算落敗，還會獲大會頒發獎座及證書，故她已當自己贏了。

問她Paul是否早已視她為「最佳女演員」？朱茵甜笑說：「係呀，我日日都問佢，佢次次都氹我話係。」她又說如真的落選會感失望，不過榮幸有機會參演此角色，覺得藝術路是漫長，應將眼光放遠。文：音樂組

化妝：Jonathan Li@MOD Academy

髮型：Jachy Leung@IL Colpo

服裝：AFFLICTION

場地：彌敦酒店