朱紫嬈有驚無險抵多倫多宣傳

歌手朱紫嬈（Khloe）出道兩年已推出2張廣東EP及2張國語專輯，更嘗試創作，搖身一變成為唱作歌手，忙於到內地及香港宣傳的Khloe日前就衝出亞洲，乘坐十多個小時飛機抵達多倫多作首次宣傳，Khloe說：「我通常都會『暈機浪』，今次要搭咁多個鐘頭飛機，惟有食定藥，好彩有驚無險到達當地。」
Khloe到達多倫多後，馬上接受鄭敬基訪問。
Khloe到達多倫多後，馬上接受鄭敬基訪問。

抵埗後，Khloe馬上接受華人電台著名DJ鄭敬基訪問，完成所有宣傳活動後，Khloe更趁機於當地多留數天，她說：「同行朋友仲不理我會暈船浪，帶我去一個要坐船四個鐘嘅小島玩，真係冇佢哋符！」

Khloe衝出亞洲，首次到多倫多作宣傳。
  • Khloe衝出亞洲，首次到多倫多作宣傳。