蔚雨芯闖鬼屋嚇鬼
今年參選港姐時被稱為「闊面周秀娜」的蔚雨芯（Rainky），已簽約唱片公司做狄易達師妹，早前Rainky到鬼屋玩，18歲的她最愛聽鬼古，自認大膽的她首次闖鬼屋被嚇到「鼻哥窿都冇肉」，全程掩着耳仔不聽鬼叫，連行錯路都不知道，被同行的澳門小姐伍家怡（Cherry）笑她細膽。
Rainky說：「我驚到喺咁嗌，行行吓去番入口嗰邊，要兩隻鬼指番條正路。」不過Rainky愈玩愈大膽：「敢同啲嘩鬼對望，又玩晒咁多間鬼屋，最後仲嚇番啲鬼轉頭！」沒有慶祝萬聖節習慣的她，不介意與好友開P扮鬼，最緊要扮得夠潮夠型。