何慕詩做番自己再戰娛圈
亞視前女藝人何彥樺，決定用回自己原名「何慕詩」再戰娛圈。問為何有此決定？她表示：「何慕詩係我原本嘅名，係父母改嘅。當初喺美國大學畢業後返港工作，加入TVB時都係用真名，後來因為某啲機緣而改咗何彥樺呢個名。之後加入咗ATV，至近年因為決心去澳洲再修讀一個三年制嘅『性健康輔導治療』碩士學位課程而離開電視圈，所以用番自己原名再踏校園。依家學成歸來除咗繼續發展『性健康輔導治療師』嘅工作外，亦準備好再喺演藝圈重新出發。我簽咗新經理人公司，希望年底會有好嘅開始。」
何慕詩早前到香港山頂蠟像館遊玩，她表示很喜歡這個地方：「每次去都感覺自己好似進入咗一個時光隧道，欣賞名人栩栩如生嘅蠟像之餘，亦同時緬懷佢哋生平，可以畀自己有一個思想嘅空間，為人生加進更多正能量。」