林穎彤「狙擊」法拉恨做當家

林穎彤（Bella）、MC Jin（歐陽靖）及落選港姐張莉莎，日前到油麻地一間冰室拍攝飲食節目。年僅十九歲的Bella坦言《潛》劇出街後多了不少工作機會，除了忙拍古裝喜劇《東西宮略》外，節目《安樂蝸》將再度添食，加上稍後有份參演長劇《名媛望族》（暫名），令她忙得不可開交。她說：「做得幾多得幾多，之前幾套劇都同陳法拉合作，希望第時可以好似佢咁叻。」

MC Jin似林雪

再度與MC Jin合作，Bella坦言默契增添不少：「初時覺得佢好Cool、好寸，但熟咗就知佢好玩得，合作得好開心。」MC Jin亦大讚Bella十足「少女吳君如」，經常在拍攝現場放笑彈。他說：「我就似年輕版林雪，無論身形同路線都似，哈哈。」而張莉莎則希望如Bella般拍劇主持雙管齊下：「有人話我似古代人，都想拍吓古裝，最想同楊怡合作。」

林穎彤希望能像陳法拉一樣坐上當家花旦之位。	張莉莎（右）和林穎彤大讚MC Jin風趣幽默，是搞笑能手。	謝天華早前應邀擔任嘉賓，林穎彤與MC Jin當然要合照留念。

此外，Bella笑言拍飲食節目可過足口癮，但又怕變肥妹仔。她又透露早前邀得「Laughing哥」謝天華任嘉賓，感覺恍如翻拍《潛》劇。她說：「Laughing哥親手整燕窩西多士畀我哋食，估唔到佢整嘢食咁叻。佢仲話『炸彈就掟得多，炸多士就未試過』！哈哈！」

文：影視組