Jeana遭掌摑失控喊到傻
o靚模何佩瑜（Jeana）近來日日為舞台劇綵排，由於今次是她的處女演出，她事前特地上訓練班練演技，卻慘被對手不停「兜巴星」，搞到她失控狂哭，上完堂情緒仍未平復，臨走時着錯鞋亦不自知！
向來言行出位的o靚模何佩瑜（Jeana）繼拍戲及打碟後又有新搞作，接演舞台劇挑戰演技，事前她對舞台劇可說是零認識，所以她由今年八月開始上堂將勤補拙。
難平復着錯鞋
提到演技班的另類教學，Jeana想起仍猶有餘悸，她說：「有一堂係探討人嘅黑暗面，我哋分成幾組互相對罵，畀人鬧完之後要講多謝，如果講得唔夠真誠就會畀人打一巴，我畀人打咗幾次之後開始有情緒，對住人咆哮！」她上完堂仍然不停哭，臨走時還着錯了別人的鞋！
搬新屋被偷窺
Jeana認為今次舞台劇演出是她全年最靚的成績表，因為舞台劇跟拍戲分別很大，她表示：「拍戲點NG都可以，之後亦可以剪接得好靚，但係舞台劇係現場，我控制唔到觀眾反應，驚到時有啲預計唔到嘅外在因素，要學識執生！」她表示該舞台劇屬懸疑故事，講她搬入新屋，被三個男仔偷窺，但其實她才是最深不可測的一個！雖然舞台劇下個月中就公演，但她到現時仍未知道結局，因為劇組怕她太早知到時會演不出那種「無知」的感覺。
文：專案組
攝：吳文聰
場地：The Moments Cafe