麥浚龍認夏文汐做阿媽
麥浚龍（Juno）在黃精甫導演執導的新片中，與前輩級人馬夏文汐合作，他坦言首次與夏文汐合作感到獲益良多，二人更以母子稱呼，他直言大家相處融洽感情要好，認真難得。
影帝Juno入行十年，近年從樂壇轉向主力電影工作發展，去年電影《復仇者之死》成為香港亞洲電影節開幕電影。而今年他與黃精甫導演合作的《保衛戰隊之出動喇！朋友！》又成為閉幕電影，今次Juno更擔任「大使」。
同鄧麗欣冇過電
戲中Juno表示非常慶幸有機會與前輩級人馬夏文汐合作，他說：「雖然第一次同佢合作，但感覺好深刻，喺片場我哋以母子稱呼。我哋租咗茶餐廳拍攝，我同佢可以未埋位就會一齊沖奶茶、整奶油多食，同佢感情好好，佢為人好爽快，今次可謂獲益良多，係一個好好嘅經驗。」
另外，他表示與鄧麗欣的感情戲份不是太重，對於二人沒有傳出緋聞，他說：「好開心同佢冇緋聞牽涉，可以更專注電影入面，唔係一男一女加埋一齊就會傳緋聞嘅。」
卡通世界最正義
《保》片題材新鮮，透過日本卡通《宇宙大帝》的元素講述人的正義感，題材上相當創新。問到為何與黃精甫再度合作，Juno說：「我同導演思想太接近，想試一啲大家估唔到嘅嘢，想拍一部正義感好強嘅電影，我哋都覺得只有卡通入面才最有正義。」而導演黃精甫指Juno在兩部電影中的演出恰到好處：「上次佢喺《復》片演得好好做埋影帝，諗住今次畀佢試吓演卡通片，睇吓佢做成點囉，基本上佢唔屬於呢個世界嘅人類，佢做乜都得。」
文：影視組