糖妹遊英狂擦急增磅

糖兄妹早前應無綫邀請，到英國的約克郡及列斯拍攝旅遊特輯，糖兄阿峰表示：「亞洲地區去得多，今次衝出亞洲，真係幾興奮，通常一講起英國，大家都會諗起倫敦，反而呢兩個地方真係幾特別、幾舒服，值得推介！」糖兄妹應導演要求，七日之內到訪當地不少古堡、博物館、啤酒廠、著名的艾蘭路球場等等，雖然行程緊密，但辛苦搵來志在食，糖妹Kandy更全程擦不停，她說：「我哋參觀全英國最出名嘅烹飪學校，好難唔食吖嘛！不過最開心都係佢哋啲早餐同埋炸魚薯條，人在外地真係會特別放肆，搞到我去完呢個trip都肥足幾磅！」

感受濃厚文化氣息

兩人此行又特別帶埋結他，嘗試在英國街頭賣藝，糖兄說：「英國人文化氣息好重，見到我哋表演都會畀面拍手支持，我哋唔係為賺旅費，不過就賺咗個幾好嘅經驗！」而糖妹則坦言七日最難忘的行程是能一坐電影《哈利波特》入面的火車，令她恍如置身電影世界，感覺超正！

糖兄阿峰笑言衝出亞洲大感興奮。	Kandy此行既能親親大自然，亦能滿足童心玩旋轉木馬。	旋轉木馬

採訪：卓藍