湯駿業愛廢鐵多過o靚模

樂壇新人湯駿業（阿Dee）今月推出最新EP《Home》，首批不足兩星期已火速售罄，令阿Dee大感鼓舞：「好Surprise！我初初幾驚淨係得舞台劇界嘅朋友支持，估唔到街外人都鍾意！」早前，阿Dee到郊區為新歌《萬念》拍攝MV，由於內容與成長及思念有關，與導演討論後，阿Dee決定起用自製的五呎高機械人代替o靚模做MV拍檔：「因為我同導演都好鍾意機械人，於是大家夾手夾腳用紙同鐵線整咗個機械人出嚟。」雖然機械人在MV中大派用場，可惜最終阿Dee卻「打完齋唔要和尚」：「因為拍完之後佢都爛晒，我哋惟有忍痛丟咗佢。」