諸葛百萬名車冧男友冇手軟
諸葛紫岐前晚單拖睇騷，有指她密密賺，月入過百萬？她沒有否認：「OK，搵多啲好啲，下個月主席（指男友）生日，搵多少少買禮物畀佢。（送乜？）好多嘢諗緊。」直問她會否送車時，她笑不攏嘴：「咁都畀你估中，我都有諗送車，如果係就送房車，唔會送跑車，等佢冇得飛車，安全啲！（唔想佢用跑車溝女？）係為我安全着想。（預算幾多？）冇預算過，（買得起過百萬？）買得起，所以我積極工作。」問到婚禮籌備成點？她表示預計明年三或四月舉行婚禮，但詳情不肯透露。
此外，模特兒貝安琪與Rosemary孖公仔到場，對緋聞男友尹子維與原子鏸傳緋聞時，她坦言不知二人是否拍拖，也不愛八卦，只知他們在LA長大：「佢哋識咗好耐，係同聲同氣。」她又表示大家不時三人行，問到二人是否相襯？她笑說：「梗係襯啦！」