馬浚偉 難擋「糕」招不再企硬

馬浚偉、胡定欣、麥長青昨日為劇集《當旺爸爸》拍攝煞科戲份，期間眾演員及監製梅小青替四十歲生日的馬浚偉送上蛋糕慶祝，由於他與無綫仍糾纏於解除合約問題，故好兄弟麥長青都祝他所有問題都迎刃而解。馬浚偉事後笑言自己男人四十一支花，前晚與好友鍾嘉欣、陳法拉、楊怡等吃意大利菜慶祝，更由他請客，吃了萬多元。

問他生日願望是否解約成功時，他謂：「依家好開心、愉快，我相信我哋會有其他方向合作，遲啲先講。依家傾得好開心，多謝佢哋體諒。」說到有指六嬸挽留他時，他坦言相信與公司合作開心，只是視乎合作形式。問是否六嬸留不住他？他笑言：「唔係，我真係唔識答，好快會落實一啲嘢，所有嘢係開心嘅！多謝好多人幫我解決問題。（有乜生日願望？）搵錢一定係其中一個，其他係身體健康，一到四十歲就去到第二個階段。」

忍無可忍被迫反彈

雖然昨日馬浚偉表現得心平氣和，不過日前與鍾嘉欣等人預祝生日時表達生日願望，卻謂希望為正道而戰，爭取應爭取的，更表示只有正道才是王道，更坦言已達忍無可忍被迫反彈的今天，他決定循個人意願處理不平事。

文：影視組