Rain拖男友睇場辦喜事
27歲李彩華（Rain）與金融才俊Derek（潘啟翀）拍拖僅七個月感情已相當穩定，由於潮流興閃婚，Rain繼早前安排男友見家長外，最近有傳會於今年結婚旺日「六條一」好事近，日前本報在機場拍得Rain秘密返港，當日即與男友在灣仔「睇場」，難道真的會做11月新娘？
曾與林峯拍過拖的李彩華，自與圈外男友王傲山分手後，今年初被發現與李蕙敏前男友金融才俊Derek Poon拍拖，雖然二人拍拖僅數月，但感情已愈見穩定，Rain早已安排男友見家長，最近還有消息傳出，Rain將在今年千載難逢的結婚旺日2011年11月11日好事近，因當日是Rain生日包含雙重意義，並繪影繪聲指他們已揀好場地。
男友接機十指緊扣
其實早前本報在機場拍得Rain秘密返港，當日Derek已一早到達等候女友出來，未幾，見到手持名牌袋的Rain獨自步出，Derek馬上體貼地接過行李，十指緊扣地拖實往停車場取車離開，然後Derek送Rain返回跑馬地寓所梳洗，即再度外出往灣仔一間名人食府門外，期間Derek不停指指點點，又不時詢問女友意見，只見Rain全程表現得甜蜜蜜，約逗留十分鐘二人又乘的士往別處。
生日大搞自我獎勵
事後致電Rain恭喜好事近，她在電話承認睇場地，但並非為結婚，她說：「邊有咁快？雖然我係講過話想喺呢日結婚，相信都冇可能，手頭上工作已經去到明年，想趁後生搵多啲錢，（男友冇催婚？）佢好體諒我，冇催我，不過，今年喺內地好好成績，所以生日會大搞獎勵自己。」
文、攝：追蹤組