陳奕迅笑有線似商場
陳奕迅（Eason）昨日首度踏足有線出席18周年台慶活動，早前入亞視時被指暗寸無綫「有味」的Eason，笑言有線似商場，但勝在空氣流通：「我上次真係冇寸無綫，只係針對地區，咁將軍澳真係堆填區嘛。」頻頻亮相其他電視台，不擔心觸怒無綫？他說：「唔會嘅。（傳四大破冰？）係傳媒講啫，我冇收過風。」
Eason認為破冰可為歌手提供更多音樂平台及新鮮感，更擺尊尼特普及校長譚詠麟上枱解釋「新鮮論」：「正如荷里活巨星尊尼特普都會上卡通台啦！」並強調有競爭方有進步：「就好似校長年年攞獎都悶啦。（所以佢咪唔攞獎！）我一定攞o架，有得着靚衫又有鼓勵！」