霆鋒抱Quintus拖Lucas賀拉姑60大壽

chok父型仔

專程返港為媽咪慶生的謝霆鋒，昨晚約7時離開寓所，一向打扮不羈的他，刻意隆重其事穿上西裝赴會，雖然夜麻麻仍戴黑超扮chok。問會否帶囝囝跟嫲嫲賀壽？霆鋒微笑沒答上車，原來一對兒子已乖乖坐在車內等老竇，穿皮褸仔的Lucas和白恤衫的Quintus以型仔look為嫲嫲賀壽。

Quintus怕閃燈

當保母車抵達酒店時，霆鋒手抱Quintus落車，Lucas則由助手表哥拖着行。問Lucas知唔知跟嫲嫲賀壽？只有4歲的他唔明冇答，由於現場大批記者採訪，不慣閃燈的Quintus扭計伸手要工人抱抱，竟然連老竇都冇面畀，十分搞笑。

拉姑60歲生日，三代同堂慶祝，眉開眼笑。

霆鋒抱細仔拖大仔，與助手及鬍鬚Kong到場。

由於本報披露拉姑生日後會到泰國拜四面佛為家人祈福，不過港府卻對受水災影響的泰國發出紅色外遊警告，問霆鋒會否勸媽咪取消行程？他卻冇答直入酒店。

安志杰攞住紮花與婷婷拍拖出席。

關菊英和密友周偉利到賀。

而穿上短裙的婷婷和男友安志杰則拍拖到場，安志杰攞住大紮花送給拉姑。期間拉姑老公鬍鬚Kong、好友關菊英就和密友周偉利雙雙到賀。