李丞責認定劉倩婷結婚對象

堪輿學家李丞責與港姐劉倩婷因合作《香港玄案》盛傳撻着，本年九月，劉倩婷被本報拍得在李丞責大埔寓所逗留五小時，離開時不但頭髮濕淋淋，還離奇地換了衣服，不過事後二人否認拍拖，倩婷更以「借咗佢個地方嚟換衫」，含糊回應離奇換裝之說。

到了九月尾，雙方態度開始「軟化」，李丞責接受本報訪問時直認發力追求劉倩婷；由於倩婷被指是介入他與老婆婚姻的第三者，李丞責即開腔護花指與前妻已分居兩年。直至日前，二人結伴出席公開活動，席間卻表現避忌，對相戀一事表現依然未見大方。

歎茶談心兼睇戲

不過，昨日二人終於成功打破缺口！倩婷除高調陪伴李丞責現身金鐘拍拖睇戲慶祝生日外，李丞責接受本報電話訪問時，更承認視女方為結婚對象，二人發展可謂數日「千里」。

互相餵食	加衣送暖	拍拖睇戲

兩位主角昨午二時先現身金鐘萬豪酒店high tea撐枱腳，期間兩人對坐着，倩婷更體貼地為李丞責遞蛋糕，之後倩婷主動換位挨近男方有說有笑，狀甚甜蜜。二人談心談足個半鐘後，即結帳轉往看戲。記者上前問倩婷是否陪李丞責過生日，她大方甜笑承認謂：「第一年陪佢過生日，送咗好貼身嘅禮物。」記者追問是否內衣褲？她再甜笑謂：「我唔講得係乜嘢，總之佢好鍾意o架啦。」此時在旁的李丞責即補充謂：「物輕情義重，我近呢幾年未試過咁開心咁過生日。」再問公開情侶身份有否壓力，李丞責未有否認：「冇壓力，我哋一路唔算收埋，只係唔想招搖，今次進一步發展好感動。」

望年年陪過牛一

之後記者致電李丞責，李丞責再忍不住晒甜蜜謂：「今年生日倩婷陪住我過，好開心同好溫馨。」談到有否長遠計劃，李丞責認真思索一會後甜笑說：「我希望從今以後嘅生日，倩婷都可以陪我度過。」再問如此穩定，會否視倩婷為結婚對象，李丞責忍不住哈哈大笑：「會嘅會嘅會嘅！」

文：影視組