JC錯愛痛哭：我會帶眼識人

當Jessica C.接到經理人致電，通知她發生疑似淫照事件時，她的腦中只有一片空白，根本難作反應，到了晚上便不住痛哭起來。她說：「我無諗過點解有啲人嘅心腸可以咁壞，要咁樣嚟傷害我。我係一個講心唔講金嘅人，我好心痛點解有人為咗金錢而去傷害我嘅心靈同尊嚴，一個女仔嘅尊嚴盡失。無論啲相係真定係移花接木，都好貶低女性嘅尊嚴。對我嚟講有無工作已經唔係我所擔心嘅嘢，我淨係想要番我嘅尊嚴。」她擔心外界人的眼光，又怕屋企人擔心，覺得愧對他們。

自責太易信人

而Jessica承認十多歲時也經歷過年少無知和反叛的階段，也曾被愛情蒙蔽，愛得盲目，她說：「當我愛一個人時我會好認真，願意無條件為佢做任何事，甚至赴湯蹈火都可以，但我可能分辨唔到是非，可能會做咗啲錯誤嘅決定。我太信人，無諗過會畀人利用同傷害。我以後會更加帶眼識人，拍拖會理智啲，唔會再咁盲目，會識得保護自己。」她坦言這次絕對是她人生至今遇過最大的打擊，但她仍然有信心可以解決，她說：「如果工作上有咩影響，我會明白。我希望時間可以療傷。」

文：名人組