張崇德艱苦辦學與眾同樂
音樂人張崇德（Peter）與前藝人劉美娟開辦的音樂學校，坐落尖沙咀商廈內。學校佔地三千六百多呎，投資過百萬，共有五個大小課室，樂器齊全，每班可容納三十多位學生，全部由Peter親自教授，其中有不少藝人都是他的愛徒，前港姐向海嵐登台唱歌賺外快，都是找Peter過兩招。
Peter的學生年齡由五歲至七十歲，有兒童班、成人班及個別教授，而老婆劉美娟則負責兒童課程，Peter說：「我有小朋友後，就開埋兒童班，由我老婆教，大家夾手夾腳，都捱過九個年頭，02年至今，經歷『沙士』、金融海嘯，生意真係唔易做，為咗開源，我哋做埋製作，我哋有私人錄音室，可令收入不限於只係收學費。不過，目前地產巿道影響，要捱十幾萬貴租，近呢兩、三年都好困難。」
親自教授聲樂
Peter大學主修音樂外並修讀了四年聲樂，在學校內教唱歌絕不假手於人，他說：「我要將唱流行曲嘅經驗，親自示範再加聲樂理論，希望一班來自各階層嘅學生都吸收到。時下人多愛唱卡拉ＯＫ，但要介定一個人識唔識唱歌，唔係唱Ｋ好就係，有啲人唱得似模似樣，但嗰啲係類近，當唱幾首歌就現晒形，如果學過聲樂就唔同，上嚟學嘢嘅人都會問我，點解佢哋唱幾首歌就聲沙，我哋喺演唱會唱幾個鐘都冇事？我話：『咪就係用錯聲囉！』所以有冇受過聲樂訓練，一開聲就分辨到。」
文、攝：影視組
場地：音樂人教室