高海寧戴錯bra驚現4個胸
高海寧（高Ling）、馬浚偉、楊秀惠等前晚出席《當旺爸爸》煞科宴，高Ling雖然收起性感，但穿着白色貼身衫的她，就如有「四個胸」般，更被指「戴錯bra」！對於被取笑有「四個胸」，高Ling否認升Cup：「平時都戴呢個bra，可能件衫太貼身，等我收埋先，（戴錯bra？）我都唔知，但每次買bra嗰啲姐姐畀我嘅尺碼都唔同，（冇試身？）我都有試，我諗今日着錯衫啫！可能我瞓醒換衫就出嚟，冇照鏡，（係咪瞓醒水腫呀？）我唔知喎！」
馬浚偉企硬解約
前晚席上見仍與無綫傾談合約可能拉倒的馬浚偉，與傳遭王維基挖角的監製梅小青同場，他們大夥兒影大合照時，儼如「離別宴」般。馬浚偉坦言要多謝無綫高層陳志雲及李寶安替他修改合約的條文，才可接拍下月到橫店開工的內地劇《建元風雲》，但不會取消跟無綫提前解約：「可能我之後同公司會有另一合作方式呢！」
他又不諱言近日與他傾約的其中一人是陳志雲，更沒再跟樂易玲傾合約，且由於要返內地拍劇，故他不會參與台慶。梅小青被問到此劇是否替無綫拍的最後一套時，她謂：「休息吓先，12月會放假休息，覺得前途一片美好。」又指老公劉家豪11月會開拍新劇：「我哋無論走同唔走都會一齊。」
文：影視組