Kary：唔想情侶檔呃人

吳雨霏（Kary）自加盟新公司後密密出席賺錢活動，甚至不避嫌與緋聞男友周柏豪情侶檔出騷，Kary前晚與Mr.、劉浩龍、羽翹及名模Ana R.等人出席手機活動。

唔想影響事業

記者取笑她近月與柏豪情侶檔搵錢進帳不少，Kary說：「如果有錢搵，唔介意情侶檔。（公開先？）唔知，我諗未必會，唔想影響事業，唔係特登呃大家。（同柏豪達共識？）始終大家係公眾人物，唔想影響大家事業。」Kary的答法難免令人以為想公開周柏豪的「男友」身份，不過她昨日澄清二人只是朋友，她並不想借情侶檔去呃大家。

周柏豪認為Kary的說話遭誤會，並澄清二人沒有拍拖。

Mr.與羽翹昨日一同出席手機活動。

柏豪唔認拍拖

而與容祖兒拍攝電影《DIVA》的劉浩龍大讚對方專業及成熟，對於祖兒在記者會慘遭司儀指「票房毒藥」，師兄說：「佢（指司儀）係怪人、傻嘅。」

另外，柏豪前晚出席活動坦言有想過開時裝店，即被問有指何超雲有意打本畀陳山聰開時裝店？他說：「冇聽過。（唔怕比較？）唔怕，世界上有好多人做同類事。」對於Kary以「唔想影響大家事業」來回應緋聞，柏豪說：「相信大家誤會咗佢嘅意思，我同佢係好朋友，但係冇同佢拍拖。」

文：音樂組