徐子珊讓兩球好生意
無綫花旦徐子珊前晚與歌手吳雨霏、鄧穎芝等以tube dress出席啤酒派對，「讓兩球」的子珊最性感，她解釋衣着是按大會要求，對酬勞亦滿意：「呢排多咗好多生意。（生意？）唔係，係多咗好多工作，哈哈！」
陳茵媺在《法證先鋒III》中露bra，有份演出該劇的子珊尚未欣賞，直言想睇又大讚對方「抵得諗」可助收視。問子珊可會露？她說：「呢啲嘢交畀佢啦，佢身材好。其實我唔介意為藝術『犧牲』，之前拍《潛行狙擊》狂咀都係劇情需要。（電影版再露多啲？）最多露背咋，泳衣已經係底線。」並自爆個性保守推卻內衣騷。