黃宗澤甜斥杏兒：真係口疏
黃宗澤（Bosco）昨日在上海為慈善賽車試車，他笑言心情緊張，不擔心包尾食塵，對於女友胡杏兒踢爆他遺失的鑽石耳環價值不足十萬，Bosco笑斥杏兒：「女人真係口疏！」
【曹家誠上海直擊】Bosco、徐子珊、蒙嘉慧（YoYo）、鄧麗欣（Stephy）等昨日現身上海為慈善賽車活動試車熱身，四位同樣首次接觸賽車，心情都興奮莫名，不過大家並非諗住爭第一，反而徐子珊笑言要跟Bosco爭包尾，認真搞笑。
Bosco表示試玩後有點緊張，他說：「今日主要都係認路，最快試過時速180公里，我都冇乜期望，唔好包尾就得，大家都係為慈善啫。」提到女友胡杏兒踢爆他遺失的鑽石耳環不值十萬，Bosco笑言：「其實我都唔知幾錢，口多多，我只係估大約個價錢啫，女人真係口疏！（關係明朗化？）送禮物明朗化囉！」
YoYo想爭冠軍
而YoYo直呼賽車非常過癮，試完車搞到唔捨得落車，她說：「原本人哋試三圈，我就玩足八個圈，希望可以爭冠軍啦，不過我都覺得李珊珊機會大啲。（梁詠琪話多謝你祝福喎？）我冇睇報道呀。」Stephy跟新公司簽約後，會主力發展影視工作，但唱片合約的細節尚未傾掂，Stephy說：「今年先開始內地工作，未習慣，不過愈來愈enjoy，之後先再諗出唱片。」
文：音樂組