李蔓瑩擺甫士輕鬆自然
貌似林嘉欣和陳茵媺混合體的模特兒李蔓瑩（Renee），是「浸大E神」楊梓瑤的師妹。現年21歲的Renee，憑住甜美笑容及開朗形象，成功吸引宅男注意，其微博更獲逾18萬名粉絲關注，相當厲害。早前Renee參演電影《開心魔法》演出，與吳尊及古天樂兩大型男結片緣，令她雀躍不已。
近年娛樂圈o靚模橫行，問到會否擔心被外界標籤為o靚模，Renee淡定說：「唔怕，我都係做番自己，要睇吓啲人對o靚模嘅定義係乜。」Renee擔任模特兒近兩年，她自評表現尚可，惟擺甫士仍有待改進，她說：「有時都覺得生硬，不過拍過戲之後，對鏡頭又自然好多。（愛拍戲？）好鍾意呀，希望有機會再試其他角色，好似患有『心理病』嘅角色。（性感呢？）健康嘅都ＯＫ，（滿意身材？）我仲努力喼弗。」