La Ying Dominic各有所好分頭追女
跳舞男子組合Bro5默契愈見純熟，連帶追女亦有共識。成員La Ying及Dominic雖然先後與寸嘴o靚模何佩瑜（Jeana）傳過緋聞，但兩兄弟表示大家的擇偶條件不同，不會因為爭女而傷感情。
跳舞組合Bro5下月以「舞動愛心大使」身份，出席「香港舞動馬拉松」活動，屆時四子會聯同跳舞愛好者，以「車輪戰」形式狂跳八、九小時，近日正加緊練習，隊中大哥La Ying表示四子默契愈見純熟，相信體力不成問題，而他們的跳舞歌曲《Dance Tonight》反映不俗，給他們注下強心針。
有拖拍一定會講
La Ying和Dominic曾先後與「不倒胸」o靚模Jeana爆緋聞，問到兩兄弟是否爭女？La Ying笑稱：「現實生活我哋係唔會爭女嘅，大家鍾意嘅女仔類型都唔同。」他又謂平時四子除談公事外，間中亦會傾兒女私情，至於會否與圈中人拍拖？La Ying說：「冇乜問題，反而圈外人會唔理解呢行嘅情況。（公開戀情？）有嘅話都會講。」
問到若然拍拖，會否擔心女粉絲呷醋？隊中至靚仔的Dominic笑稱：「佢哋自己都拍拖啦，我哋都關心佢哋嘅。」香港男子跳舞組合近年青黃不接，與日本和韓國的差距甚遠，四子亦認同：「組合係幾難搞嘅，女仔會着數好多，不過我哋勝在默契搭夠，而且盡量控制成本，好多嘢都要靠自己做出嚟。」
採訪：戶冊平