Lynn遇俊男搭訕飄飄然
熊黛林（Lynn，圖）早前獲國際時裝品牌Dolce & Gabbana邀請，與經理人Kim一起到米蘭時裝周睇騷。Lynn表示此行收穫甚豐，除了率先預覽心儀設計師的最新作品，又品嘗了不少意大利美食，及四出瘋狂shopping，但最令她興奮的是在當地有艷遇。
Lynn在街上經常被意大利型男上前搭訕，讓她心花怒放，她笑言：「雖然有啲唔好意思，但發現自己原來都有『國際』市場喎！哈！令我重拾自信呀！我冇諗過會有艷遇，雖然冇下文，但感覺好飄飄然，而且遇到嘅都係俊男，佢哋多數都高大靚仔，今次輪到我眼睛食冰淇淋喇！」她指平日在港怕被偷拍，遇上陌生人走近身邊便會避開，根本不會有男士上前搭訕，感覺自己好像沒有魅力，此行則令她重拾自信。而她更是一篋去三篋返，買得最多的竟是內衣，因為怕被偷拍的她在港買內衣總有點拘謹，若被報道了所買款式會非常尷尬。