Ana R.同場冇眼睇硬送祝福
混血名模Ana R.與舊愛周立璟（Brian）及其新婚妻子Giselle同場，後者更牽手、攬腰出席，大晒恩愛！對於早前Ana明寸Brian結婚是結束bad boy生涯，Brian和妻子毫不客氣回敬：「We are bad together！」大晒另類幸福！
Ana R.前晚為Loewe時裝活動行騷，穿上性感see-through長裙的她表現輕鬆，心情明顯不錯，同場還有名模琦琦、Amanda S.、鐘錶界美女胡敏珊等。Ana表示不知道與Brian及Giselle同場，但卻直言不會因此而感到尷尬，只會專業地做自己的工作。問到會否覺得他們在晒幸福？她回應：「我冇意見，你鍾意點講就點講，可能啱又可能唔啱，唔知。我唔想好mean或者rude，媽咪教我要有禮貌。」問她於Brian結婚當天，於網上發表的妒嫉言論，她表示自己只是恭喜他，可能別人誤會了而已。
至於她的新歡會否介意她以性感造型示人？她笑言：「我諗佢應該會好鍾意，等我喺後台影張相畀佢先！（會唔會好似Jessica C.咁影淫照？）每個人都唔同，我呢個年紀唔會啦！後生嘅時候或者會做，但我冇做；我依家已經成熟咗好多。」
夫婦倆壞埋一堆
而新婚後第一次出席活動的Brian及Giselle，全程表現sweet爆，對於與Ana同場亦表示完全沒有問題。問到Ana於網上的言論，Brian暗示Ana在facebook取消與他的朋友關係：「我唔知喎，我同佢喺facebook都唔係friend，睇唔到。（知唔知佢有新戀情？）Good！（想唔想佢快啲結婚？）Hope soon，每個女仔都要結婚。（佢因你結婚而心酸？）冇睇，或者佢都就快結婚。（主動add番佢？）以前係friend，突然之間冇咗friend。」而問到Ana早前指Brian是bad boy，Brian坦言：「我係呀！」而Giselle亦附和說：「It's ok！We are bad together！」
文：名人組