Jill重拾母女情
曾與母親關係疏離的衞詩（Jill），最近特別飛到韓國探望母親，兩人相處半個月後重拾親密關係，Jill說：「真係好開心，我哋乜都傾，佢有問我同家姐Janice（衞蘭）嘅男友，我都有畀相佢睇，佢好關心、緊張我，有晚佢同朋友出去，但每隔半小時就打電話畀我，當我係小朋友咁。」
因父母分離，Jill跟姐姐自小隨父親長大，Jill承認曾好嬲及好憎媽咪，覺得她丟低了兩姊妹不理：「媽咪唔喺身邊對女仔唔係幾好，好似第一次來經及佩戴胸圍，都係爹哋搵女性朋友幫手。但喺自己跌得最低嘅時候，先知家人係好緊張我、好錫我，我真係好感恩，好珍惜家人關係。」
無艷遇：係神旨意
在韓期間，Jill跟媽咪返教會，也跟表哥親友去唱卡拉OK，問她在當地可有艷遇？Jill笑說：「冇，我覺得係神畀我同男友嘅旨意，有一個男友就夠啦。」雖然與男友分隔兩地，但Jill對二人的感情抱有信心。
文：音樂組