唐寧精神分裂演舞台劇
產後主力在舞台劇發展的唐寧，現正密鑼緊鼓為舞台劇《辛辣人妻》及《關‧愛》同時進行綵排；由於兩劇角色性格截然不同，唐寧笑言經過連月來的「間場」綵排下直感精神分裂：「一個角色就聲大大、論論盡盡兼刁蠻，另一個角色就好沉重，背負住阿媽十五年前殺咗阿爸呢個沉重嘅悲劇；而我呢幾個星期嘅綵排行程，就係日頭好沉重夜晚變番好刁蠻……真係排到精神分裂。」
由於唐寧之前曾揚言一年只會接演一部舞台劇，問她今次為何會大失預算時，她即無奈謂：「其中一部係重演o架，所以完全係預計之外，不過都好，今次可以話係我入行以來遇到最大嘅挑戰。」
另外，唐寧在電影《大藍湖》中與型男周俊偉不乏咀戲，其中一場接吻戲更拍足八分鐘，她笑言老公不會呷醋：「拍嗰陣冇特別感覺，淨係覺得好熱，因為嗰度連冷氣機都冇！」