陳鈺芸揮劍耍棍做武女

才女陳鈺芸（JuJu）以選美出身，之後又轉為唱作歌手，現原來秘密練兵。八歲已開始學柔道及空手道，兩年前再開始接觸洪拳及蔡李佛拳的她，現時每日堅持練武數小時，各樣兵器如劍、棍都耍得有板有眼！

諗過退出娛樂圈

JuJu表示曾有感付出跟成果不成正比而想過退出娛樂圈。她覺得圈中有不少藝人都擁有實力，但卻未能遇上真正的伯樂，而自己都感同身受。不過幸好練武同時鍛煉了其耐力，令她決定繼續留低發展，希望有朝一日能闖出一番事業。

陳鈺芸坦言陳嘉桓耍詠春缺乏力度。

JuJu耍劍有板有眼。

羨慕模特兒身形

以成為「新一代動作女演員」為目標的她覺得圈中現缺乏「打女」。被問到覺得陳嘉桓耍詠春如何？她說：「我未見過佢真係紮馬同打，只係企喺度耍詠春，唔係太有力，我唔評論佢嘅功夫程度。其實打女身形好重要，要有肌肉，但係佢外形都幾柔弱，不過我都羨慕佢嘅模特兒身形。」

文：影視組

攝影: Mike Tsang@The Visual Brothers Productions Hair: Chapman@Star Hair