彭順李心潔分房瞓免爭拗
導演彭順與李心潔婚後首部作品《夢遊3D》即將上畫，問到婚後合作模式有否改變？彭順直言對心潔要求更高：「我希望佢可以畀到我睇我未睇過嘅一面，有時真係會Take好多次。（佢會唔會嬲？）點會？佢都見到出嚟個效果好咗，咁自然開心番。」
彭順又指是次電影於泰國取景逾三個月，期間兩公婆要分酒店瞓。他謂：「我哋喺拍嗰兩、三個月都係分開酒店瞓，免得拍完返酒店休息仲會討論套戲，亦唔會有不必要嘅拗撬。（唔會唔慣？）唔會，兩個人有共識。」問到會否考慮拍一套純在港取景的電影？他說：「係都返大陸啦！依家大陸市場好大。」另外，問到與李心潔有否造人計劃？彭順笑言：「遲早o架啦！冇認真計劃，不過呢個係必經階段。」
